مرحبا
هذي القصيطة اهداء مني للي يضحي علشيني ابويا
انشالله تعجبكم
يابوي وانت الله عطاك مـن المهابـه والقبـول يوم الشعر باللي مثل شـروى جنابـك.. يرفعـه
لا لا تحاتي.. يابعد راسي عسى عمـرك يطـول لا صرت من خوفك علينا / زود حرصك تتبعـه
من رحمتك فينا تَعَلَّمنـا عـن الرحمـه فصـول من قلبـك الوافـي عرفنـا كـل خيـر ٍ ندفعـه
ياما على الدم والقرابه تصبر وشلـت الحمـول ياما عملـت ومـادروا لجـل القرايـب تجمعـه
من كثر ماوصيتنا بوصل الرحم ظنـت عقـول: إن الرَحَم أولى مـن الوالـد بطيـب ومنفعـه!!
يابو الفقير اللي تضايق مالقـى بعمـره حلـول يابو اليتيم اللي انمسح بأطـراف كمـك مدمعـه
من يجهلك يا اللي جرى طيبك كما مجرى السيول ما يجهلك غير الجحـود اللـي ظنونـه تخدعـه
يا الحاسم اللي نعرفك ماتقبل أنصـاف الحلـول كل ما ذكرناْ إنك ورانـا.. ناخـذ الدنيـا سعـه
يامروّض صعاب الزمن مهما الصعايب بك تحول ماهو مثل من قال: إن طاع الزمـن.. وإلا طعـه
إنت المواقف في حضورك ماهي بأقوال وفعـول إنت الفعل يسبق كلامـك ليـن غيـرك يسمعـه
يابوي لو ماعادتك بالطيـب والفزعـه عجـول ماضـاق ديوانـك وبيبـان البيـوت مشرّعـه
ماقد خذلت انسان جاك ولا رجـع منّـك جفـول يوم إن أغلب هالبشـر حتـى الأخـو ماينفعـه
نلت المهابه من شيوخ ٍ يـوم غيـرك ماينـول إلا انهم..؟؟ وإلا بلاش.. أسكت وغيري يطلّعـه
أدري القصايد في رجا حضرة جنابـك ماتطـول مـن رُبْـع ماتفعـل يمينـك يافخرنـا ومنبعـه
كم شاعر ٍ قبلي تغنـى وجـاك فأبياتـه خجـول با الله قلي: كـم قصيـده فالـدروج موزعـه؟؟
وأدري الشهاده فيـك مجروحـه ولكنـي بقـول إن الشواهـد فـي كلامـي ياعـرب تستشفعـه
وفي الختام اتمنا انو كل عضو او زائر يقراء هذه القصيدة وهو مزعله يقوم ويصالحه
.................... اتمنا انها اعجبت كال القراء
استنا ردودكم لاتقصرو .........................
