السلام عليكم ورحمة الله وبراكاته
هذي افضل الالغاز الشعبيه
------------------------------------------------------------------------------------
1
انشد ك عن رجلا اخذ من البيض ثنتين
يرقد بينهن وكلا يشوفه
لا اخذهن بدعه ولا اخذهن على الدين
والكاف لتوضيح اول حروفه
واظن عــــــاشق وضحـه لكــم زين
والذكي منكم ماضني يطوفــه
------------------------------------------------------------------------------------
2
يا ويش شيخا كل همه ركوع وسجود
جسمه نحيل ودمع عينه جاري
ملازماللخمس والناس في هذا شهود
يعمل طوال العمر في خدمة الباري
-----------------------------------------------------------------------------------
3
ويش رجلا يندبونه في المواقف الخطيره
والمعارك خاضها والبطن مليان اطعونه
جاء منها بالغنيمه ياعسى في الامر خيره
هو جزاء من خاض بالميدان قاموا ينطلونه
----------------------------------------------------------------------------------
4
انشدك عن شي وجوده ولا شي
يفزع الياحس الزعيم باهلا كي
ينقـذ الزعيـم اذا مر في موقف سي
اليا شارف للخطر والهلا كي
-----------------------------------------------------------------------------
5
انشدك عن غذرى باسم رجال
لو يجتمع كل البشر ماقدرها
حراسها رجلين ماهم عقال
لا كن لا يمكن تعدى اديرهـــا
--------------------------------------------------------------------------
6
انشدك عن رجلا كبيرا مقـــامـــــه
يامر وينهى دون رجلين ويدين
احيان الناس تبغى منه السلا مــــه
تمشي في دربه في جميع الميادين
-------------------------------------------------------------------------
7
انشد ك عن غذرى ضعيفا جسدهـــا
محشومة بين الرجال المناعير
ترد سلفان كثيرا عــــــد دهـــــــا
تردهم اذا نوو المحا د يــــــــر
-------------------------------------------------------------------------------
8
سيــــــف سحبتــــــــه يا فتـــــــى في يميـــني
واليا سحبتــــــه تعجبــــــك لمحة إضواه
عـــده على الخطـــــــار والغانــــــميـــني
تراء صعبة ردة الســــــيف بخــــــاه
------------------------------------------------------------------------------
9
انشد ك من غمرا شبــــــابه اسبوعيــــــن
وبعــــــد اسبوعـــــــين ينثنــــــي شايـــــب
وكلا يحبـــــــه غيـــــر طلا بة الد يـــن
ومد وره الا فـــــاق فـــــــوق النجايـــــــب
-------------------------------------------------------------------------
10
انشد ك عن رجال من دون رجليـــن
وله عنـــــد الناس قـــد ر وشـــــــيمه
اسرع من الها تف ومن ارماشة العين
ولا هو ظالم ولا يحب الظلـــــيمه
-----------------------------------------------------------------------------
11
ويــــــش شــــــي يرهزاك
يرهز امــــــك من وراك
ان تقدم عقب الـــــــدم
وان تــــــاخر يا بـــــلاك
-----------------------------------------------------------------------------
12
انشد ك عن عــــــذرى لهـــــا رجليـــــن
رجل يجامعــــــها ورجل يناظــــــرها
الي يجامعهـــــــا يضغط عليها زيــــــن
والي يناظرهــا يعلمك بسرايــــــرهــــــا
---------------------------------------------------------------------------
13
انشد ك عن ثنتين في موقع الياس
الله خلقهن في الاوادم علامه
لاهن ولد جن ولاهن ولد ناس
من رافقنه ماتشيله اعظامـــــــه
------------------------------------------------------------------------
14
وش لك من عذرى تستر الناس
والناس تعشقها ولاهي عشاقه
ماتاخذ الى من توده وبقياس
كمواحدا جاها وانحاش من غثاها
------------------------------------------------------------------------
15
ياويش شي فيه خمسة رياجيل
لاانس ولاجان ولاهن بضاعه
اولهم اليا مات باقي بهم جيل
صاروا ثمان كلهم جما عه
-------------------------------------------------------------------------
16
ابنشدك عن شايب في وسط صندوق
يعطي اعياله كل مادار راسه
لهم على الشايب مطاليب واحقوق
وبتوزيع عيشتهم يذوق التعا سه
------------------------------------------------------------------------------
17
انشدك عن عذرى رقيقة حال
لها في كل الامر سريه
عذرى لجيل يعقب اجيال
بامر من الوالي رب البريه
----------------------------------------------------------------------------
18
ويــــــش شايــــــب يدينـــــه في امتونه
لامسكله صيدة مايجيه الى اعياله
يسهر اليل الطويل ولاتحقق في اعيونه
وان نصاه المعتدي ياقف على احياله
----------------------------------------------------------------------------
19
ياويشرجلا مع الناس موجود
عجزوا عنه موسى وعيسى وداوود
وعجزوا عنه شيخان نجد هل الجود
وكل الاوادم مالقوله طريقه
----------------------------------------------------------------------------
20
يامن حكم غيابي بلاعدام
ذكاه حطم دولة مستقله
لازال تلقاه البشر بعض الايام
مات الحكيم والمتهم في محله
--------------------------------------------------------------------------------------
21
الاياويش عذرى ماملكها بلوطى مخلوق
ولاضنيت يملكها بعد رجله ثاني
ملكها واحد له مسكنا عند البشر مرموق
وبعد موته بقت ماعاشرت افلان وافلاني
ا
---------------------------------------------------------------------------------
22
ياويش رجلا يمشي الليل كله
جاه الضحى من ماقفه مامشى بوع
في صوح لوح مايغادر محله
تلقى جوابه على القراطيس مطبوع
-------------------------------------------------------------------------
23
انشدك عن اغلام من دون تفصيل
يلقح لقاح ماتمسه جنابه
حرام لاكن حل عقب الغرابيل
معروف في عصر النبي والصحاب
-----------------------------------------------------------------------------
24
يالي تحل الغز مليان لك انت
رجلا فهيم للمعاني تحلي
انشدك وش بنت تعلت على بنت
ورجالهن من فوقهن مستقلي
ا
---------------------------------------------------------------------------------
25
انشدك عن عذرى طويلا جعدها
ماهيب جنيه ولامن الناس
تضرب بسيف ماتشيله بيدها
سيف لمنه ورد قطع الياس
----------------------------------------------------------------------------
26
ميت مات بشلشه
جاه الحي وانبشه
قام عليه الميت واكبشه
--------------------------------------------------------------------------
27
ويش شي على احجره
الشر في بطنه والخير في اظهره
ا
----------------------------------------------------------------------------------
28
انشدك عن عذرى عصاها في ظهرها
والمعنتر في شخلها
والناس تاكل من بعرها
ا
-----------------------------------------------------------------------------
29
انشدك عن بنت ترضع امها
لماتت البنت مال امها وجود
يافكرتي من بنت ما احدا ذمها
اقولها وانا عاشق عريب الجدود
ا
-----------------------------------------------------------------------------
30
انشدك عن حي ينقله ميت
ولامشى الحي صاح الميت
ا
--------------------------------------------------------------------------
31
انشدك عن رجل كريه وله ثلاث سنون
لاطاحة اسنونه جن لو مايدخله جني
وكلا يكرهه ولكنوقت اللزمه له مضمون
ورد ذكره بايات في كتاب الله يتلني
ا
------------------------------------------------------------------------------------
32
ياويش بنت مالها مذهب ولا مله
بنت شهرها لك الله فعلها الرايع
فرقت بين التشابه كيف بسم الله
والي عشقها عن دروب السنع ضايع
----------------------------------------------------------------------------------------
33
اسمعوا يالي تحلون الاغاز
لغز على شان النشامه نعده
ياويش بنت دوم ماتشرب القاز
والي طلع منها لهلها ترده
في وسط ورع دوم هماز لماز
ورع يكد البنت وهي تكده
----------------------------------------------------------------------------------------
34
انشدك الي يفهمون الامعاني
الي لهم في حل الاغاز عاده
عن اخوة لهم مقام وشاني
ولهم في كل العروبه سياده
ان غاب واحد يشغله مكاني
وان زدتهم مايقبلون الزياده
----------------------------------------------------------------------------------
35
انشدك عن ورع لبنت قديمه
شايل على ظهره وريعا مسيكين
البنت من دونه تراها عقيمه
ياقف على ثنتين والناس دارين
----------------------------------------------------------------------------
36
انشدك عن واحدا ذباح
عند العرب دايم غالي
يذبح خويه من دون السلاح
وفي النفس فنه ما زالي
ا
---------------------------------------------------------------------------
37
ياجماعه جبت انا الغز من خمسة حروف
ومن ورد بالحل وعجل ذا شخص فهيم
وش بنت من قشرها غمضه ماتشوف
لو تشوف اشوي تجمح وصار الي يصير
--------------------------------------------------------------------------------
38
انا انشد وانشد عن ذهيبه خفية اذكاره
وهو لجاء مسيرجاب خيره وشره يمشيبه
ولاله ديرتا تعرف ويقضي الوقت بسفار
وناس ماتبي شوفه وناس لجاء تهليبه
--------------------------------------------------------------------------------
39
ياويش رجلا حط في بطنه بنات
وكفن وطب القبر والعالم تشوف
الرجل حازم والبنات محكمات
والجنس مثل الجنس والرجل معروف
ونه مخلد لا حياة ولاممات
ولابد يبعث وييبعث معه خوف
----------------------------------------------------------------------------
40
انا بنشدك عن بنت مسكنها وسط بنت
وعذاب من هي ساكنه في حشاها
تمشي في بطن امها والمشي بصمت
وعذاب للمها وتقطعها من نماها
----------------------------------------------------------------------------
41
ياويش شي بلا روح
يمشي قدم ويحقق اهدافه
لفكه الله من الساموح
يقضي اللزوم وعمه اخلافه
--------------------------------------------------------------------------
42
انشدك عن ذودين صفرا ومجاهيم
وفيهن قعيدتهن وفيهن فحلهن
يسوقهن ربعا على الورد شفقين
والي يوردهن لعده كسبهن
-------------------------------------------------------------------------------
43
انشدك عن عذرى تزوجها غشيم
وعند اهل العلم جيزتها حرام
بناتها عشرين يلقاها الفهيم
واذا اخذها الرجل راحت عدام
---------------------------------------------------------------------------------
44
انشدك عن ورع حكمله خلق
حكمه في للحظه صدر فيهم
ناس في حكمه حرقهم حرق
وناس تعلت مراقيهم
-------------------------------------------------------------------------------
45
انشدك عن بنت فيها الخير والشر
موجوده منذا العصور القديمه
تظربها الامثال وبطيب تذكر
واخر حياة البنت صارت عديمه
----------------------------------------------------------------------------------
46
انشدك عن بنت جميله
تجامع دايم في حضن ابوها
ركبها واحدا تسمع صهيله
وجوا الجيران لكن ماحموها
---------------------------------------------------------------------------------------
47
انشدك عن رجلا عنوله مداوير
والكل وده بسرع الوقت يلقاه
ولهم بلاجات الروابع مناعير
ومن الغريبه من عثر فيه خلاه
----------------------------------------------------------------------------
48
انشدك عن طيرا ولافيه جنحان
اسرع من البرق والي ذكر مسيره
في ساعته يوصلك لندن وعمان
وفي للحظه ياصل جميع الجزيره
---------------------------------------------------------------------------
49
انشدك عن ثلاثه اجياد
اصايل البعد جابنه
الناس تفنى وهن اجداد
واذا زعلن على الحي ما ارضنه
-------------------------------------------------------------------------------
والى القاء
هع اتحدا واحد يحلها كولها
باييييييات
استنا الحلول منكوم